الامثلة
الخطوة الاولى:
نفتح صفحة جديدة بالمقاييس اللي تبونه حسب حجم النص،،
الحين صار عندنا صفحة العمل مثل هي الصورة
نضغط على الحرف (D) من لوحة المفاتيح عشان نحول الألوان للأبيض والأسود كالآتي
وبواسطة أداة السطل الموجودة في قائمة الأدوات على يسار الشاشة
نلون المساحة البيضاء بالأسود
نضغط على حرف (X) من لوحة المفاتيح لعكس اللونين الابيض والاسود
وباستخدام أداة النص
نكتب النص المطلوب اللي صار لونه بالابيض ،
لاحظوا الصورة بعد كتابة النص عليه
الحين نروح لـ Image >> Rotate Canvas >> 90° CCW
ويصير عندنا مثل ها الشكل:
نطبق ها الفلتر: Filter >> Stylize >> Wind
لما بتختارون ها الفلتر ،، بيطلعلكم بوكس ثاني يطلب منكم تحويل النص لصورة ،، اضغطوا OK
عقب بيظهر لنا البوكس اللي بنحدد من خلاله خصائص الفلتر ،، ونعمل التالي:
نتأكد من تحديد التالي:
Method = Wind
Direction = From the Right
لاحظوا الصورة
وبتكون النتيجة كالتالي:
نكرر ها الفلتر أكثر من مرة بالضغط على (Ctrl+F) من لوحة المفاتيح ،، إلى أن نصل لشكل مشابه لهذا:
وفي الشكل السابق أنا كررت الفلتر 3 مرات ،،
>>>>>>>>>>>>>>>>>>>>>>>>>>>>>>>>
الحين لازم انعدل الشكل ونردة لوضعه الطبيعي ،،
نروح لـ Image > Rotate Canvas > 90° CW
لاحظوا انكم ما تتخربطون في CW ،،
نطبق ها الفلتر:
Filter >> Blur >> Gaussian Blur
بيظهر لنا ها البوكس
مثل ما هو موضح في الصورة أنا اخترت القيمة 1.5 لكن بإمكانكم تزيدون او تنقصون حسب ذوقكم وحاجة النص ،،
وتكون النتيجة
وعقب ما وصلنا لهاي المرحلة ،، لازم يكون عندنا لير واحد بس ،، عشا جي بندمج كل الليرات مع بعض بتطبيق التالي:
Layers >> Flatten Layers
بعد ما صار عندنا لير واحد بنعطيه تأثير النار عن طريق تلوين النص بتطبيق التالي:
Image >> Adjust >> Hue/Saturation
ـ أو ـ نستخدم الاختصار (Ctrl+U).
بيظهر لنا ها البوكس:
نتأكد من تحديد colorize مثل ما هو موضح بالصورة ،، ونخلي الـ saturation بدرجة 100 أما الـ Hue فأي درجة من درجات اللون البرتقالي حسب تفضيلكم ،، وأنا اخرت 30
بتشوفون الصورة كالتاي:
ننسخ الير اللي عندنا عن طريق ،، نقرة على اليمين على اللير ونختار Duplicate layer من القائمة اللي بتظهر ,,
وعلى اللير اليديد ،، نطبق نفس الخطوات اللي هي:
Image > Adjust > Hue/Saturation
ـ أو ـ نستخدم الاختصار (Ctrl+U).
نفس الطريقة الأولى ،، لكن هني الـ Hue لازم نختارة بدرجات الاحمر وانا اختر (0)
ونلاحظ النتيجة
............
باقي شوي من الدرس
.............
في نفس اللير اللي احنا نشتغل عليه واللي لوناه بالأحمر نحول خاصية اللير من Normal لـ Colour Dodge
مثل ما هو موضح في الصورة ،،
بتكون النتيجة كالتالي:
مرة ثانية لازم ندمج الليرات ،، بتطبيق التالي:
Layers > Flatten Layers
الحين وباستخدام الاصبع
بنمسح على الألوان في الصورة بشكل متموج لأعلى حسب اتجاه السهم في الصورة عشان يعطينا تأثير ألسنة اللهب :
باستخدام أداة الكتابة الكتابة
بنرد نكتب نفس النص مرة ثانية (بنفس الخط ونفس الحجم) باللون الاسود ونثبت الكتابة الثانية على الأولى باستخدام أداة المؤشر
وبتكون النتيجة كالتالي:
عودة إلى الليرات او الشفافيات ،، الحين لازم انحدد النص ،، شي طريقة سهلة ،، نضغط على Ctrl من لوحة المفاتيح مع نقرة على اليمن من الماوس على لير النص اللي ضفناه ،، بنلاحظ ان النص تحدد ،، نضيف شفافية يديدة بالضغط على هذا الرمز
الموجود في اسفل بوكس الليرات ،،
شغلنا الحين على اللير اليديد،، لكن لازم نتأكد أن اللون الأبيض في مقدمة اللون الاسود
ــ وباستخدام الفرشاة المناسبة
نمسح أسفل النص عشان نعطي تأثير اللمعة البيضة دليل الاشتعال ،،
يفضل استخدام الفرشاة ذات الحواف الضبابية ،، كما في الصورة:
لاحظ تحديد النص وطريقة استخدام الفرشاة:
طبعاً الحين وضع الليرات كالتالي:
يفضل دمجها في لير واحد بنفس الطريقة السابقة وهي:
Layers >> Flatten Layers
وسنحصل على ها الشكل في قائمة الليرات:
والنتيجة النهائية
خلصنا بتمنى عجبكم الدرس ^^